Fondi monetar ndërkombëtar uli lehtë parashikimet për ekonominë globale të martën, ndërsa parashikon se shumica e vendeve do të evitojnë një recesion gjatë këtij viti pavarësisht shqetësimeve ekonomike dhe tensioneve gjeopolitike. Shqetësimet mbi inflacionin e lartë, rritja e tensioneve gjeopolitike dhe qëndrueshmëria financiare rëndojnë mbi parashikimet e përditësuara, me impaktin e luftës në Ukrainë që vazhdon të ngadalësojë rritjen ekonomike dhe të rrisë çmimet e konsumatorëve në shumë vende. Shqetësimet e vazhdueshme ekonomike mund të prishin planet e FMN dhe bankës Botërore për të promovuar një reformë ambicioze dhe një axhendë për mbledhje fondesh në takime pranverore të këtij viti. Në raportin e saj për parashikimet ekonomike, FMN pret që ekonomia globale të rritet me 2.8% dhe 3% në janar, një ulje me 0.1% nga parashikimi fillestar I janarit. Ndërkohë parashikimet e FMN për SHBA ishin disi më optimiste: ekonomia më e madhe ën botë pritet të rritet me 1.6% në 2023-in, cektësisht më e lartë se parashikimi fillestar. Ekonomia globale vijon në gjurmën e saj të një rikuperimi të ngadaltë nga pandemia dhe lufta e rusisë në ukrainë tha shefi ekonomik i FMN Pierre Oliver Gourinchas, duke shtuar se shtrëngimi masiv dhe i sinkronizuar i politikës monetare nga shumica e bankave qëndrore filloi ta sillte inflacionin në nivelet e objektivave të tyre. Në të njëjtën kohë, rreziqe serioze mbi stabilitetin financiar janë shtuar tha ai, duke iu referuar turbullirës në tregje muajin e kaluar pas kolapsit dramatik të bankës Silicon Valley. Pamjet: AFP