Fluturimet drejt dhe nga Britania e Madhe po përjetonin ndërprerje pasi sistemet e kontrollit të trafikut ajror të Britanisë u goditën përkohësisht nga një defekt teknik të hënën. Shërbimi Kombëtare i Trafikut Ajror njoftoi se kishte "identifikuar dhe korrigjuar" një çështje teknike që e detyroi atë të vendoste kufizime të qarkullimit të trafikut më herët gjatë ditës. "Tani jemi duke punuar ngushtë me linjat ajrore dhe aeroportet për të menaxhuar fluturimet e prekura në mënyrë sa më efikase të jetë e mundur. Inxhinierët tanë do të monitorojnë me kujdes performancën e sistemit ndërsa ne i kthehemi funksionimit normal," thanw zyrtarwt anglezw. Çështja ndikoi në aftësinë për të përpunuar automatikisht planet e fluturimit, "që do të thotë se planet e fluturimit duhej të përpunoheshin manualisht. Defekti ndodhi në një ditë të ngarkuar udhëtimi me të hënën dhe shkaktoi paralajmërime për vonesa dhe anulime fluturimesh nga linjat ajrore dhe aeroportet. Heathrow, aeroporti më i madh dhe më i ngarkuar në Mbretërinë e Bashkuar, tha se ishte "duke punuar ngushtë me autoritetet ajtore dhe partnerë të tjerë të aeroportit për të minimizuar ndikimin që kjo ka tek pasagjerët" dhe këshilloi udhëtarët të kontrollojnë me linjën e tyre ajrore për përditësimet më të fundit. Kompanitw ajrore angleze njoftuan se "si të gjitha linjat ajrore që përdorin hapësirën ajrore në Mbretërinë e Bashkuar, mund te perballen ne anullime. Kompanite këshilluan që pasagjerët në shërbimet me distanca të shkurtra sot të mos udhëtojnë në aeroport pa kontrolluar statusin e fluturimit të tyre "pasi ai mund të mos funksionojë më". Pamjet: AFP