Në pikëkalimin kufitar të Kakavijes vazhdon fluksi i lartë i qytetarëve në hyrje për në Shqipëri. Kështu përgjatë 24 orëve të fundit janë përpunuar në total 9500 shtetas nga të cilët 6300 në hyrje dhe 3200 në dalje. Që prej mesit të dhjetorit kur nisi edhe fluksi i mbërritjeve për festat shpesh janë shënuar rradhë në hyrje për shkak të numrit të kufizuar të sporteleve në anln greke të kufirit. Sot në Kakavije mbërriti për inspektimin e situatës edhe ministri i Brendshëm Ervin Hoxha dhe Drejtori i Përgjithshëm i Policisë së Shtetit Ilir Proda të cilët morrën takime edhe me palën greke për të monitoruar situatën. Ministri Hoxha tha se më parë kishte pasur një takim me ambasadoren e Greqisë në Shqipëri për të ndarë këtë problematike dhe se sipas tij situata është përmirësuar ndjeshëm.