Lëvizja e Flamingove në Tiranë ka prodhuar në ditën e 9 të protestës një manifest për mbylljen e tranzicionit shqiptar. Krijimin e një qeverie tranzitore e votuar nga populli, që duhet të bëje vetingun e politikanëve dhe të krijojë Ministrinë e Diasporës. Ndërsa tre thirrje i drejton institucioneve që i vlerëson të pakapura: Forcave të Armatosura që të garantojnë integritetin territorial të zonave të mbrojtura. Ndërsa SPAK dhe BKH i kërkojnë të hetojë në mënyrë të paanshme vendimarrjet e qeverisë në lidhje me projektin e Zvërnecit si dhe lidhjet e liderit të opozitës Sali Berisha në këtë cështje. Gjatë protestës pati momente tensioni nga qytetarët që donin largimin e përfaqësuesve politikë. Prania e grupit rinor demokrat ndezi pakënaqësi mes protestuesve të cilët thërrisnin për të ndalur përçarjet. Ndërsa kundërpërgjigja e FRPD shënjëstronte aktivistët e deputetin e Lëvizja Bashkë. Grupi nismëtar ndërpreu përplasjet me thirrje për të mos lejuar prezencën e politikanëve teksa nuk ju dha hapësirë fjalimeve të rastësishme veçse 5 figurave të zgjedhura prej tyre nga fusha e arsimit dhe shkencës.