Autoritetet gjermane kanë ndaluar ish ministrin grek të Financave në qeverinë Tsipras në vitin 2015, Yanis Varoufakis, të hyjë në Gjermani , për shkak të një fjalimi që do të mbante në një konferencë për Gazën , kundër Izraelit dhe në favor të Palestinës. Lajmin e ka bërë të ditur vetë Varoufakis me postimin e tij në rrjetet sociale, ku shprehet se Ministria e Jashtme gjermane lëshoi një “Betätigungsverbot” (ndalim aktiviteti) ndaj tij dhe dy akademikëve të tjerë, pas një ndërhyrje të forcave policore në konferencën për Palestinën që do të mbahej në Berlin. Kjo i kapërcen të gjitha kufijtë e autoritarizmit”- thotë Varoufakis, kreu I MeRA25 të Greqisë, në një video që ka shpërndarë nga llogaria e tij në rrjetin X. Yanis Varoufakis kreu i MeRA25, ish Ministri grek i Financave Është jo vetëm një ndalim hyrjeje në Gjermani, por edhe ndalimi i pjesëmarrjes në çfarëdo evenimenti gjerman me zoom me video link ,madje dhe ndalim publikimi në Gjermani në çdo lloj portali gjerman qoftë edhe të një video si kjo që po shihni tani nga unë. Dy personat e tjerë për të cilët u dha një ndalim përkatës janë akademiku Salman Abu Sitta dhe kirurgu, rektori i Universitetit të Glasgoë-it Ghassan Abu Sittah, i cili madje u arrestua dhe iu nënshtrua një marrje në pyetje prej tre orësh në aeroportin e Berlinit. Të dy, së bashku me Yanis Varoufakis, do të merrnin pjesë në Konferencën për Palestinën të organizuar nga "Zëri Çifut për Paqe" dhe partia MeRA25 e Gjermanisë, me një kërkesë qendrore "armëpushimi dhe ndalimin e gjenocidit në Gaza". Yanis Varoufakis ka thënë gjithashtu se “mungesa e demokracisë në Evropë po bëhet gjithnjë e më e madhe dhe se Gjermania, para së gjithash, e di më mirë se çfarë rreziqesh fsheh ky qëndrim. Është koha që qytetarët demokratë të marrin një qëndrim kundër një Evrope që po zhytet përsëri në errësirë” – ka theksuar politikani grek. Pamjet: AFP