Anglia votoi të enjten dhe rezultati i zgjedhjeve pritet të jetë ai që është parashikuar sistematikisht javët e fundit. Pak minuta pas orës 22.00 kur edhe u mbyll votimi, dolën exit poll e para dhe bëhet fjalë për një fitore historike të laburistëve që pritet të marrin 410 vende në parlament, ndërsa konservatorët vetëm 131. Sipas përllogaritjeve të para partia e Reformes, ose ish partia e Brexit pritet të marrë 13 deputetë. Qendrat e votimit në 650 zona elektorale ne Angli, Ëales, Skoci e Irlandën e veriut u celën mëngjesin e së enjtes në orën 7 të mëngjesit dhe u mbyllen në orën 22.00 për zgjedhjet e pergjithshme. Rreth 50 milionë njerëz ishin regjistruar për të votuar. Ata mund ta ushtroninë këtë të drejtë të tyre kushtetutese duke shkuar fizikisht në qendrat e votimit, përmes postës ose edhe nëpërmjet një përfaqësuesi. Kryeministri Rishi Sunak ishte nga të parët që votoi. Ai dhe e shoqja u shfaqën në qendrën e tyre të votimit në Northallerton, rreth gjysmë ore pas hapjes së saj. Laburistët e drejtuar nga Keir Starmer nisën festimet ende pa u mbyllur mirë votimet. Nëse një rezultat i tillë konfirmohet vërtet, ky do të shënonte numrin më të vogël ndonjëherë të vendeve nga Partia Konservatore në historinë e saj gati 200-vjeçare. Numërimi i votave nisi menjëherë pas mbylljes se qendrave të votimit, ndërsa rezultati përfundimtar pritet të bëhet i ditur mëngjesin e së premtes. Pamjet: AFP