Zgjedhjet e pergjithshme e katapultuan sërish në krye të listës partinë GERB të ish kryeministrit bullgar, Boyko Borissov. Por ky i fundit duket se nuk e kërkon më postin e kryeministrit të cilin e ka mbajtur tre herë të tjera, dhe ftoi kundërshtarët e tij politikë për bisedime për formimin e Qeverisë së re. Rezultatet e zgjedhjeve të së dielës tregojnë se partia e qendrës së djathtë, GERB, ka siguruar 25.4 për qind të votave, duke fituar 5 pikë të përqindjes më shumë sesa partia reformatore, Ne vazhdojmë ndryshimin. Pesë parti të tjera po ashtu kanë kaluar pragun prej 4 për qind për të fituar mandate në Parlamentin prej 240 vendesh. Borissov drejtoi tre qeveri në periudhën 2009-2021, por reputacioni i tij u dëmtua nga pretendimet për korrupsion, lidhje me oligarkët dhe shtypjen e lirisë së mediave, pretendime këto që nxitën protesta masive në Bullgari. Tani megjithatë, politikani veteran pretendon se nuk dëshiron të bëhet më kryeministër, as ministër e as deputet i Parlamentit. Pamjet: AFP