Presidenti finlandez, Alexander Stubb në një postim në X se Finlanda do të tërhiqet nga marrëveshja ndërkombëtare e Konventës së Otavës dhe do të shpenzojë 3% të buxhetit për mbrojtje. Qeveria finlandeze ka marrë sot dy vendime kyçe, duke reflektuar ndryshimet në mjedisin tonë të sigurisë. Së pari, Finlanda do të rrisë shpenzimet e saj të mbrojtjes në 3% të PBB-së deri në vitin 2029. Kjo është një pjesë e kontributit të Finlandës për Evropën duke marrë më shumë përgjegjësi për mbrojtjen tonë. Së dyti, Finlanda do të përgatitet për tërheqjen nga Konventa e Otavës. Vendimi bazohet në një vlerësim të plotë nga ministritë përkatëse dhe Forcat e Mbrojtjes. Finlanda është e përkushtuar ndaj detyrimeve të saj ndërkombëtare për përdorimin e përgjegjshëm të minave. Finlanda do të mbetet gjithmonë një aktor i përgjegjshëm në botë, duke ruajtur sigurinë dhe mbrojtjen e saj. Konventa e Otavës, e vitit 1997, është vënë nën presion për shkak të luftës së Rusisë kundër Ukrainës, veçanërisht në vendet fqinje me Rusinë. Në mars, Polonia dhe tre vendet baltike njoftuan se do të tërhiqen nga konventa ndërkombëtare. Finlanda ndan një kufi prej 1340 kilometrash me Rusinë. Presidenti finlandez tha gjithashtu se Helsinki do të shpenzojë 3% të PBB-së për mbrojtjen deri në vitin 2029, krahasuar me 2.4% në 2024. Kjo është më shumë se objektivi aktual i NATO-s prej 2%, që pritet të rritet gjatë samitit të qershorit në Hagë. “Kjo është pjesë e kontributit të Finlandës për një Evropë që po merr më shumë përgjegjësi për mbrojtjen tonë”, tha presidenti finlandez. Gjatë fundjavës, presidenti finlandez bëri një udhëtim të papritur, jozyrtar në Florida dhe foli me presidentin e SHBA-së, Donald Trump për luftën në Ukrainë.