Aleksandar Vuçic beson se para fundit të vitit, Serbia do të jetë në gjendje ta prodhojë vetë vaksinën ruse, Sputnik V.Vuçic dhe anëtari i presidencës trepalëshe të Bosnje dhe Hercegovinës, Millorad Dodik, vizituan Institutin e Virologjisë, Vaksinave dhe Serumeve “Torlak” në Beograd, ku një ditë më parë u realizua mbushja e serisë së parë të dozave kontrolluese të vaksinave Sputnik. Më herët, ministri pa portofol në Qeverinë serbe, Nenad Popoviq, shkroi në Tëitter ky process ishte realizuar në prani të ekspertëve nga Fondi Rus i Investimeve Direkte dhe kompanisë farmaceutike ruse Generium, dhe se prodhimi do të fillojë në 20 maj. Edhe Fondi Rus për Investime Direkte publikoi në faqen e tij të internetit njoftimin për prodhimin e vaksinës ruse Sputnik V së bashku me Institutin Torlak në Serbi."Serbia bëhet kështu vendi i parë në Europën Jugore që do të prodhojë Sputnik V., duke plotësuar standardet ", thuhej në deklaratën e tij . sipas zyrtarëe, kjo vaksinë më vonë mund të eksportohet edhe në vendet në rajon. 211,000 vaksina të tjera kompanisë"Pfizer" do të mbërrijnë në Serbi javën e ardhshme, u shpreh ai, ndërsa vaksina kineze "Sinofarm" pritet të mbërrijë para fundit të këtij muaji.