Një ngjarje e pazakontë u shënua në Fier mbrëmjen e kësaj të enjteje, ku një polic plagosi me armën e shërbimit një 26-vjeçar. Ngjarja ndodhi rreth orës 19:20 në vendin e quajtur “Ish Globi”. Efektivi Shkëlqim Jahelezi ishte me shërbim dhe së bashku me kolegun e tij kishin bllokuar një segment rrugor për të mos lejuar qarkullimin e automjeteve për shkak të zhvillimit të një koncerti që po mbahej aty. Por I riu Daniel Braçi, që po lëvizte me një makinë tip "Volksëagen" tentoi të kalonte në rrugën. Në momentin që polici Shkëlqim Jahelezi nuk e lejoi që të kalojë perimetrin e sigurisë, 26-vjeçari zbriti dhe e goditi me grushta duke I shkaktuar plagë të shumta në fytyrë e gojë. Në këtë moment, punonjësi policisë nxori pistoletën dhe hapi zjarr duke e plagosur në këmbë të riun Daniel Braçi. Ai u transportua menjëherë drejt spitalit, ku mësohet se ndodhet jashtë rrezikut për jetën. Ndërkohë efektivi pasi mori ndihmë mjekësore u shoqërua drejt komisariatit dhe po merret në pyetje nga agjentët e Agjencisë së Mbikëqyrjes Policore, që po hetojnë dhe rastin. Mësojet se i plagosuri është me precedent penal. Me 31 gusht 2019, gjatë një konflikti mes dy familjeve, daniel braçi i mori armën e shërbimit njërit prej punonjësve të policisë që ndodhej aty dhe hapi zjarr në drejtim të palës tjetër duke plagosur një person.