Mes fishekzjarrjeve e urimeve për një vit më të mirë se ai që lamë pas, shumë vende të botës kremtuan hyrjen e vitit te ri ,2026-tës, me gëzim por edhe shpresë. Anekënd Europës, njerëzit u mblodhën për të festuar pranë strukturave ikonike si Porta e Brandenburgut në Berlin apo Kulla Eiffel në Francë. Mbretëria e Bashkuar e kremtoi hyrjen e vitit të ri me gjëmimin e Big Benit dhe një spektakël i jashtëzakonshëm piroteknik.Ne Gjermani festa u shqoerua me nje gadishmeri te larte te policisë me rreth 5.300 efektivë të shpërndarë në rrugët e kryeqytetit dhe të landeve të tjera, mes shqetësimeve të rrezikut të përsëritjes së skenave të vitit të kaluar, kur kremtimet u errësuan nga përleshje të dhunshme e sulme ndaj shërbimeve të emergjencës. Me mijëra vetë u mblodhën në brigjet e kumit Tamiz për të parë më mirë spektaklin e 10,000 fishekzjarreve qe ndezën atmosferën ne natën e vitit te ri . Turma gjigande e njerzve që pret rënien e famshme të sferës së ndërrimit të viteve në Times Square të Neë Yorkut, nuk mungoi as këtë vit. Afrika gjithashtu i ka thënë lamtumirë vitit 2025 - duke iu bashkuar Australisë, Zelandës së Re dhe vendeve anembanë Azisë. Banorët e ishullit të vogël të Paqësorit të Kiribatit ishin të parët që përshëndetën vitin e ri. Si gjithmonë, pati shfaqje mbresëlënëse fishekzjarresh në Hong Kong, Sydney dhe Dubai.