Tirana është pushtuar nga të rinjtë, ndërsa festa për Ditën e Pavarësisë vijoi edhe gjatë mbrëmjes. Dhjetëra prej tyre morën makinat dhe dolën në rrugët e kryeqytetit me flamujt kuqezi në duar. Teksa bllokuan rrugën në sheshin “Nënë Tereza”, një makinë policie ka ndërhyrë duke u përpjekur të vendosë rregull Festime në mbrëmje pati edhe në Fier ku dhjetëra qytetarë me flamuj në makinat e tyre kanë bërë një paradë në qendër të qytetit Shqiptarët në të gjithë botën festuan 112 vjetorin e ngritjes së flamurit në Vlorë. Qindra emigrantë shqiptarë u mblodhën në sheshin “Sintagma” në Athinë për të festuar 28 nëntorin. Me veshje dhe flamuj kuqezi ata kanë krijuar një atmosferë të shkëlqyer në qendër të kryeqytetit grek duke tërhequr vëmendjen e qytetarëve të tjerë. Në sfond dëgjohen këngë patriotike shqiptare, ndërsa ky organizim spontan ka marrë vëmendjen edhe të medias së vendit fqinj. 28 Nëntori i vitit 1912 shënoi një kthesë historike për popullin shqiptar.