Një flamur shqiptar për të gjithë udhëtarët drejt Gjermanisë. Aeroporti i Tiranës përcolli me një atmosferë festive tifozët e skuadrës tonë kombëtare që fluturuan sot për të mbështetur Shqipërinë në kampionatin Europian. Me ngjyrat kuq e zi, me performancën plot energji e entuziazëm nga Klajdi Haruni dhe Bruno si dhe shpresat për fitore; u shënua nga aeroporti ndërkombëtar i tiranës një fillim i paharrueshëm i Shqipërisë në këtë rrugëtim të rëndësishëm. Në prag të Euro2024, aeroporti po përballet me një fluks të shtuar pasagjerësh për shkak të fluturimeve të posacme drejt qyteteve ku luhen ndeshjet e kombëtares sonë. Aeroporti ndërkombëtar i tiranës si pjesë e Kastrati group është kujdesur të sigurojë një përvojë fantastike udhëtimi, teksa po punon intensivisht për të shtuar kapacitetet dhe shërbimet për pasagjerët.