Kryeministri britanik, Boris Johnson dhe ministri i financave Rishi Sunak do të gjobiten nga policia për pjesëmarrjen e tyre në një festë të organizuara gjatë periudhës kur vedni ishte në izolim si pasojë e covid. Boris Johnson bëhet kështu kryeministri i parë në detyrë që penalizohet për shkelje të ligjit. Lajmi për gjobën shton edhe më shumë presionin ndaj johnons, kundërshtarit e të cilit prej kohësh i kërkojnë të japë dorëheqjen. Zyra e Johnsonit ka konfirmuar nga ana tjetër se dy zyrtarët janë njoftuar nga policia se do të pranojnë dënimet e tyre me gjobë. Policia kishte hetuar organizimin e 12 festave të mbajtura nga Zyra e Johnsonit në kohën kur në Mbretërinë e Bashkuar kishte masa kundër koronavirusit. lidhur me këtë rast, deri më tani janë vendosur 50 gjoba. Policia ka thënë se nuk do të bëjë publike emrat e të gjithë personave të gjobitur, por Qeveria kishte premtuar se do të njoftojë nëse Johnson dhe Sunak ishin në mesin e të gjobiturve. Lideri i liberaldemokratëve, Ed Davey, ka bërë thirrje që Parlamenti – që aktualisht është në pushimin e Pashkëve – të mblidhet dhe të mbajë një mocion mosbesimi ndaj kryeministrit. “Kjo Qeveri në krizë që po neglizhon një vend në krizë”, tha ai.