Top Media u mblodh si çdo fundvit, me energjinë e pashtershme për të gëzuar për sukseset e arrira të cilat ndriçojnë rrugën drejt sukseseve të reja. Digitalb, Top Channel, Top Albania Radio, Top News, Gazeta Shqip, Lori Coffee, Storm u bënë bashkë në një takim që simbolizon më shumë se një festë – një dëshmi të shpirtit të bashkëpunimit dhe fuqisë së një ekipi të madh, i cili punon çdo ditë për të informuar, argëtuar e frymëzuar shqiptarët kudo. “2024 ishte plot sfida dhe ne ja dolëm që ta kthejmë në vitin më të mirë për grupin tonë jo vetëm për digitalbin. Dua të falenderoj të gjithë njerëzit që kontribuan. Dua të falenderoj shumë Top Channel. Shumë falenderim për familjen Hoxha që asnjëherë nuk e humbi besimin dhe na ka ndihmuar në çdo hap tonin”. “Digitalb është kompania më e rëndësishme dhe brandi më i fortë shqiptar. Dua t’iu falenderoj realisht që keni qëndruar stoik dhe keni qënë mbështetës të Digitalb në këto vite të vështira. Di t’iu them që do bëhet më e mira për Digitalbin gjithmonë”. Në një atmosferë të vecantë, me shumë shpërblime e muzikë të mirë në praninë e Aurela Gaçes; gjatë mbrëmjes u ndanë falenderime dhe mirënjohje për kontributin e mijëra punonjësve ndër vite. Një duartrokitje për veten tuaj, për punën tuaj. Ka një arsye pse jeni gjithmonë të parët: se punoni shumë! Ky moment festiv përkon edhe me përgatitjet e punën e vrullshme për sezonin e ri të Big Brother VIP, një format që ka lënë gjurmë e pritet me padurim. Kur pasioni dhe përkushtimi bashkohen, suksesi është i pamohuar dhe frymëzimi për të bërë më shumë, më mirë, është edhe më frytdhënës kur rrugës ekipi ndalon për të bërë GËZUAR ! Nëse doni festën dhe në shtëpitë tuaja qëndroni me Top Channel dhe abonohuni ne Digitalb...