Top Channel/ Festa e Qershive ndez për dy netë “flakë” Beratin, këngët e vallet mbledhin turistët

Bashkia e Beratit ka gjetur këtë vit një mënyrë ndryshe dhe tepër origjinale për të promovuar turizmin në qytet,Festën e Qershisë,festë që këtë vit përkoi edhe më çeljen e sezonit turistik në qarkun e Beratit. Për dy netë me radhë qindra qytetarë beratas kanë marrë pjesë në panairin e organizuar me rastin e Festës së Qershisë,festë që ka bërë bashkë edhe shumë fermerë,të cilët ekspozuan varietetet e ndryshme të qershive që kultivohen në qarkun e Beratit, liko dhe reçelëra të shumëllojshme,gatime tradicionale,mjaltë etj.Varietetet më të mira të këtij prodhimi,të ndara sipas zonave dhe të vendosura nëpër shporta janë ekspozuar për qytetarët beratas përgjatë Pedonales së qytetit.