“Po na ndalojnë të prodhojmë ushqime cilësore, tha një fermer nga Seine et Marne që ka ardhur të demonstrojë me traktorin e tij në Paris kundër kufizimeve të pesticideve. Sindikata e fermerëve, tha se rreth 500 traktorë e 2,000 fermerë kanë ardhur të protestojnë për vendimin e qeverisë për ndalimin e përdorimit të insekticideve duke lejuar importin e produkteve që nuk plotësojnë kriteret vendase të ushqimit. "Sot ne po flasim për sovranitetin e ushqimit, kjo i përfshin të gjithë dhe ne ishim të lumtur kur gjenim produktet bujqësore vendase në dyqane”, tha fermeri për AFP. Ai shtonte më tej se importet e ushqimit janë rritur më 35% në dy vjet, prej pengesave ndaj produkteve cilësore vendase, duke lejuar importe që nuk plotësojnë kriteret strikte të ushqimit në Francë. "Në disa sektorë si panxhari, ka dy ose tre vjet pa hulumtime për pesticidet, ndërsa ky ndalim i vuri kapakut të gjithave”. Fermeri shtonte më tej: “Në sektorë të tjerë ato janë eliminuar si për shembull qershitë. Kolegë të mi fermerë po shkulin pemët e qershive sepse tani importohen nga Turqia”. "Ky model i quajtur ‘organik’ nuk mund të imponohet në të gjitha sektorët bujqësorë, kemi nevojë për bujqësinë tradicionale. Nuk e kuptoj sesi mund të mendojnë se mund të bëjmë bujqësi pa pesticide”. një tjetër fermer drithi tha se "Ka një paaftësi me administratën që kërkon të kontrollojë çdo gjë në bujqësi”. Pamjet: AFP