Një 57-vjeçar nga Kukësi përfundoi në prangat e policisë pasi mashtroi duke regjistruar në gjendjen civile 21-vite si vajzën e tij, një fëmijë që nuk ekzistonte. Kjo me qëllimin e vetëm që të përfitonte një pension më të lartë bazuar në ligjin e kohës. Ai u zbulua pasi në vitin 2021 u paraqit sërish në Gjendjen Civile dhe e raporti këtë fëmijë sikur kishte vdekur, me qëllim çregjistrimin e saj. Lidhur me rastin policia u vendos menjëherë në lëvizje dhe pas hetimeve disa mujore konstatoi se vajza nuk ka ekzistuar asnjëherë. 57-vjeçari akuzohet për veprat penale "Mashtrimi" dhe "Falsifikimi i vulave i stampave dhe i formularëve". Ndërkohë u proceduan penalisht për “shpërdorim detyre” dhe një mjek së bashku me administratorin e një agjencie funerale pasi ndihmuan 57-vjeçarin për plotësimin e dokumenteve të vdekjes së vajzës që nuk ekzistonte. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.