FBI po kontrollon shtëpinë e presidentit Joe Biden në Delaware si pjesë e një hetimi për dokumente të klasifikuara, thotë avokati i tij. Në një deklaratë, avokati i Biden tha se kërkimi ishte "planifikuar" me "mbështetjen e plotë" të presidentit. Mediat amerikane kanw raportuar se hetimi ka të bëjë me dokumente të klasifikuara. FBI nuk ka komentuar kontrollin meqë ishte konsensual. Avokati i zotit Biden, Bob Bauer, tha se kontrolli u krye "pa njoftim paraprak publik" në interes të "sigurisë operacionale dhe integritetit". Kërkimi është i fundit në një seri të kryer në vende të ndryshme, pasi dokumentet e klasifikuara u gjetën në Qendrën Penn Biden - një hapësirë zyre - në Uashington DC në nëntor. Më shumë dokumente u zbuluan në një shtëpi tjetër të zotit Biden në Wilmington, Delaware, në kontrollet e kryera në dhjetor dhe janar. Biden ka thënë se ekipi i tij bëri "atë që duhej të bënte" duke njoftuar menjëherë zyrtarët dhe se ata "po bashkëpunojnë plotësisht me hetimin. Pas kërkimeve të para të janarit, Biden u tha gazetarëve se dosjet ishin në një garazh të mbyllur.“Nuk është sikur janë në rrugë”, tha ai. Pamjet: AFP