Donald Trump ka pranuar të flasë për FBI-në, që po heton atentatin për ndaj tij, gjatë një tubimi në Pensilvani, tha të hënën një zyrtar i kësaj agjencie. Kevin Rojek, agjenti special i ngarkuar me zyrën e FBI-së në Pittsburgh, u tha gazetarëve se hetuesit kanë në fokus përpjekjet në zbulimin e motivit të atentatorit 20-vjeçar. Thomas Mattheë Crooks, ishte “shumë inteligjent” dhe kishte interes për armët, tha Rojek. Ndërsa zyrtarët kishin zbuluar tashmë se Crooks kishte kryer kërkime në lidhje me ngjarjet masive me të shtëna armësh, informacione mbi pajisjet shpërthyese të improvizuara, por edhe tentativën për vrasjen e Kryeministri sllovak në fillim të këtij viti. 20-vjeçari njihej gjithashtu si një person me një rreth shumë të ngushtë shoqëror dhe nuk fliste shume me familjen e tij. “Ndërsa hetimi i FBI-së mund të mos ketë përcaktuar ende një motiv, ne besojmë se ai bëri përpjekje të konsiderueshme për të fshehur aktivitetet e tij,” tha Rojek. “Për më tepër, ne besojmë se veprimet e tij tregojnë gjithashtu planifikim të kujdesshëm përpara tubimit të fushatës.”