Nikaraguanë të veshur si famtazma dhe personazhe të tjera të frikshme të mitologjisë indigjene dolën mbrëmë në masë për festivalin vendas Los Aguizotes. Festa zakonisht mbahet në të premten e fundit të tetorit, por kësaj here u shty për zgjedhjet presidenciale ku lideri Daniel Ortega fitoi mandatin e katërt. Fesdtivali i mitologjisë aborigjene Maja, celebrohet çdo vit në zonat jugore të Managua. Festa kthen qytetet në një skenë të frikshme funerali por me muzikë e të ndriçuar gëzueshëm, ku banorët ndezin qirinj, pishtarë e llampa vaji. Fjala Aguizote vjen nga gjuha aborigjene dhe do të thotë “tmerret e ujit” në festën që përfaqëson mitet e legjendat e vendit amerikano-qendror. Siluetat e qindra nejrëzve me llampa të ndezura shihen nga larg në marshimin e ngadaltë katakteristik, teksa disa prej tyre “lëshojnë zjarr nga goja”. Ndërkohë fitorja e Ortegas është kritikuar nga Perëndimi por pritur me përgëzime nga vendet socialiste të Amerikës latine.