Familjet e dhjetra adoleshentëve amerikanë që kanë vdekur nga drogat e blera në rrjetet sociale protestuan para selisë së Snapchat. "Një shpërndarës droge kontaktoi me tim bir me një menu të gjerë të zbukuruar me foto e ngjyra”, thotë Sam Chapman, djali 17-vjeçar i të cilit Sammy vdiq në shkurt nga fentanili. Chapman tha se djali i tij kishte blerë tableta qetesuesish por ato ishin të përziera me opiatin i fuqishëm. "Jam këtu për të paralajmëruar njerëzit ndaj rreziqeve të rrjeteve sociale, për shpërndarjen e drogave dhe akteve të tjera që sjellin te fëmijët tanë”, tha Chapman. Ai përshkruante skenën e tmerrshme kur gjeti të birin të vdekur në dysheme, në atë që ai njihte si "poza e zakonshme e vdekjes nga fentanili." "Ai nuk merrte frymë, ra së prapthi e nisi të villte, pastaj u mbyt me të vjellën e tij. Kjo është mënyra e zakonshme e vdekjes”, tha babai i adoleshentit. 107,000 vdekje nga mbidozat e drogave u regjistruan në 2021 në SHBA, të paktën 70 përqind e të cilave të shkaktuara nga helmimi i fentanilit.