Të dhënat e fundit të Eurostat mbi mbi cmimin e energjisë në Europë, por dhe në Ballkanin Perëndimor, e rendisin Shqipërinë të dytën pas Malit të Zi. Raporti ndjek ecurinë e cmimeve të energjisë dhe gazit për konsumatorët familjarë në gjysmën e parë të vitit. Për vendin tonë, çmimi i energjisë elektrike për një kilovat/orë, duke përfshirë të gjitha taksat ishte 0,094 euro në 6-mujorin e pare. Të njëjtin nivel ka Maqedonia e Veriut; më e shtrenjtë energjië elektrike rezulton në Malin e Zi me 0.0961 euro për kë/orë, që në fakt përbën një ulje të lehtë krahasuar me të njëjtën periudhëtë vitit që shkoi kur shënonte 0,097 euro për kilovat/orë. Në Serbi, familjet e paguajnë energjinë elektrike me 0.080 euro për kilovat/orë, në Bosnje Hercegovinë 0.087 euro, dhe në të dy rastet shënohet nëj rritje e lehte e cmimit. Kosova vazhdon trendin e vitit të kaluar, dhe rezulton më lirë nga pjesa tjetër me 0.0611 euro. Hulumtimi i Eurostat reflekton qartë faktin që cmimet e energjisë kanë ndryshuar ndjeshëm në të gjithë kontinentin e vjetër këtë vit, edhe pse në disa vende të Europës, çmimi për konsumatorët familjarë ka pësuar rënie për shkak të politikave subvencionuese që kanë aplikuar qeveritë. Çmimet e energjisë për familjet gjatë vitit 2022 u rritën në 22 shtete anëtare të BE-së në gjysmën e parë të 2022, krahasuar me gjysmën e parë të 2021. Rritja më e madhe u regjistrua në Çeki (+62% ), përpara Letonisë (+59%) dhe Danimarkës (+57%). Ndërkohë nderhyrja e shtetit përmes subvencioneve ka ndihmuar sakaq në uljen e barrës së cmimit për familjet në Holandë, Slloveni e Poloni.