Një propozim i fundit franko-gjerman për një kornizë të re të dialogut ndërmjet Kosovës dhe Serbisë, i publikuar nga EURACTIV, zbulon në mënyrë indirekte, se sa pak vullnet ekziston midis dy palëve për të zgjidhur çështjen. Zyrtarët në Beograd dhe Prishtinë kanë konfirmuar ekzistencën e një propozimi të gjermano-francez , por nuk janë pajtuar për atë që në të vërtetë thotë dokumenti. Në 9 pikat e bërë publike nga euroactiv thuhet midis të tjerash se: Kosova dhe Serbia do të zhvillojnë marrëdhënie normale, të fqinjësisë së mirë me njëra-tjetrën bazuar në të drejta të barabarta dhe të udhëhiqen nga aspiratat e tyre reciproke për anëtarësim në BE. Në përputhje me Marrëveshjet e Stabilizim Asociimit vendet do të zgjidhin çdo mosmarrëveshje ndërmjet asaj kohe ekskluzivisht me mjete paqësore dhe do të përmbahen nga kërcënimi ose përdorimi i forcës. Ata riafirmojnë paprekshmërinë tani dhe në të ardhmen të kufirit që ekziston mes tyre dhe marrin përsipër të respektojnë plotësisht integritetin territorial të njëri-tjetrit. Kosova dhe Serbia thotë dokumenti, vazhdojnë me supozimin se asnjëra nga dy palët nuk mund të përfaqësojë tjetrën në sferën ndërkombëtare dhe as të veprojë në emër të saj si dhe të vazhdojnë me respektimin reciprok të juridiksionit të secilës palë, thotë një pikë tjetër. Një shtytje për të nënshkruar marrëveshjen deri në fund të vitit ka ardhur nga të gjitha palët, duke përfshirë Francën, Gjermaninë dhe SHBA-në, të cilat kanë dhënë disa sugjerime gjatë javëve të fundit. Pornga ana tjetër Zyrtarët e BE , raporton euroactiv, tani shqetësohen se përshkallëzimi i fundit në veri të kosovës, si dhe kërcënimet nga Beogradi, mund të paraqesin një pengesë në rrugën drejt çdo lloj marrëveshjeje midis dy palëve. Pamjet: AFP