Euro më në fund u shemb. Monedha evropiane ka thyer edhe barierrën psikologjike duke u tregtuar për herë të parë në histori që nga futja e saj në qarkullim poshtë nivelit të 100 lekëve. Edhe blerjet e shtuara të valutës gjatë muajve të fundit nga Banka e Shqipërisë nuk kanë arritur të mbajnë balancën e fiksuar në 100 lek. Në nivelin e 99.5 lekëve, euro tashmë pritet të zhvlerësohet edhe më tej, sidomos kur gjatë gushtit prurjet e turistëve janë në kulmin e tyre. Euro prej tre vitesh ishte në rënie të lirë, por në dy vitet e fundit monedha është zhvlerësuar me 22.5%, më shpejt se ritmi normal. Zhvlerësimi i shpejtë i monedhës është arsyetuar me zhvillimin e mbarë të ekonomisë dhe valutës së huaj të sjellë nga turistët, diasporës, por edhe investimeve të huaja. Banka e Shqipërisë e kishte paralajmëruar këtë situatë. Në raportimin në Kuvend, guvernatori Gent Sejko shprehur shqetësimin se duhet të ndalohen transaksionet e përditshme të kryera në euro. Kjo do të sillte nëj stabilizim më të madh të kursit, por paketa e deeuroizimit e nisur në 2017-tën prej vitesh ka prodhuar vetëm rezultate negative, ndërsa ekonomia euroizohet gjithnjë e më shumë, duke e bërë politikën monetare jo-efikase.