Gati gjashtë vjet që prej arrestimit, Hashim Thaçi, Kadri Veseli, Rexhep Selimi e Jakup Krasniqi, do të dalin mbase për herë të fundit para trupit gjykues të Dhomave të Specializuara në Hagë, në përballje me vendimin final për akuzat që rëndojnë mbi ta. Aktgjykimi për këtë rast, do të shpallet më 16 shtator me fillim nga ora 10:00. Megjithatë, nisur nga e marta, qytetarë nga Kosova e diaspora, nisën të mblidheshin Hagë në mbështetje të ish-krerëve të UÇK-së. Në parkun rreth një kilometër larg selisë së Dhomave të Specializuara, u mbajt “nata e pritjes” organizuar nga iniciativa “Liria ka emër”. Në mesin e tyre ishte edhe Altin Krasniqi, i biri i Jakup Krasniqit, që nesër pret vendimin mbi gjyqin që u zhvillua ndaj të atit. Krasniqi thotë se ankthi i është shtuar, por se pret lirimin drejtuesve të UÇK-së.