Presidenti Turk, Rexhep Tajip Erdogan ka sërish probleme me shëndetin. Presidenca turke përmes një njoftimi thotë se Erdogan ka anuluar të gjitha takimet e planifikuara për shkak të problemeve shëndetësore Gjatë ditës së sotme presidenti turk kishte planifikuar të fliste para Grupit Parlamentar të partisë së tij, ndërkohë që nesër ai kishte planifikuar të shkonte në Granada për takimin e Komunitetit Politik Europian, ku Turqia do të merrte pjesë së bashku me rreth 45 vende. Në këtë takim do të merrte pjesë edhe kryeministri grek Kyriakos Mitsotakis dhe në fakt ishte hapur mundësia e një takimi të shkurtër mes dy liderëve. Por përkeqësimi i gjendjës shëndetësore e ka detyruar Erdogan t’i rrijë larg politikës. Presidenti turk Rexhep Tajip Erdogan ka shfaqur probleme edhe gjatë muajit prill në kohën kur ishte në fushatë për zgjedhjet presidenciale. Madje asaj kohe zotit Erdogan iu desh të ndërpriste për disa çaste edhe një intervistë televizove. I rikthyer pas reklamave, Erdogan i kërkoi falje të pranishmëve duke shpjeguar se ditët e fundit kishin qenë shumë të lodhshme për shkak të fushatës zgjedhore dhe për më tepër vuante nga ftohja, por nuk donte ta anulonte intervistën pasi kishte dhënë. premtimin e tij. Pamjet: AFP