Suedia dhe Finlanda duhet të dëbojnë apo ekstradojnë deri në 130 persona tw cilwt Ankara zyrtare i cilwdon si “terroristë” në Turqi, para se Parlamenti turk të miratojë aplikimet e tyre për anëtarësim në NATO. Kështu deklaroi presidenti i Turqisë, Recep Tayyip Erdogan. “Ne u thamë, shikoni, nëse ju nuk na dorëzoni terroristët, ne nuk mund ta kalojmë miratimin e aplikimit për anëtarësim në NATO përmes Parlamentit”. Suedia dhe Finlanda, në qershorin e kaluar nënshkruan një marrëveshje trepalëshe me Turqinë, që synon kapërcimin e kundërshtimeve të Turqisë. Si pjesë e asaj marrëveshjeje, dy shtetet nordike janë zotuar se do të adresojnë kërkesën e Turqisë “për dëbimin apo ekstradimin e terroristëve të dyshuar në procedurë të shpejtë”, duke pasur për bazë informacionet e inteligjencës turke dhe duke respektuar të gjitha ligjet evropiane. Të shtunën, zëdhënësi i Erdoganit, Ibrahim Kalin, tha se koha po mbaron që Parlamenti i Turqisë të ratifikojë aplikimet për NATO, para se të mbahen zgjedhjet presidenciale dhe parlamentare, nw muajin maj. Deri më tani, vetëm Turqia dhe Hungaria nuk kanë miratuar aplikimet për anëtarësim në NATO të Finlandës dhe Suedisë. Pamjet: AFP