Presidenti i Turqisë, Rexhep Tajip Erdogan, ka deklaruar të martën në fjalimin e tij në OKB se Turqia ka lidhje historike dhe kulturore me Ballkanin dhe se po vepron për ta thelluar bashkëpunimin me këtë pjesë të Evropës. “Ballkani është një rajon me të cilin kemi lidhje të forta historike dhe kulturore, po ndërmarrim hapa të përbashkët për të thelluar bashkëpunimin me ta”, është shprehur presidenti turk. Ai ka përmendur rëndësinë e Turqisë në stabilitetin rajonal teksa ka shtuar me doza kritike se një Evropë që përjashton Turqinë nga arkitektura e saj e sigurisë, s’mund të jetë e fortë dhe e sigurtë. “Turqia, falë rritjes së saj të industrisë së mbrojtjes dhe falë ekonomisë së saj elastike, vazhdon të jetë një ishull i stabilitetit në mes të konflikteve në afërsi të saj. Si pjesë integruese e Evropës, shteti jonë luan një rol të rëndësishëm në mirëqenien dhe sigurinë e kontinentit evropian. Samiti i NATO-s i mbajtur në Ankara në korrik, tregonte përkushtimin tonë për sigurinë tonë të përbashkët... Një Evropë që përjashton Turqinë nga arkitektura e saj e sigurisë, nuk mund, dhe më lejoni ta them këtë qartë, nuk mund të jetë më e fortë ose më e sigurt”, ka deklaruar Erdogan.