Familjarët e minatorëve të bllokuar në një minierë të përmbytur bën thirrje që të vijojnë përpjekjet për shpëtimin e tyre, teksa ndodhen të bllokura prej tre javësh. Tetë minatorët, gjashtë vendas, një nga Zambia e një nga Tanzania u shpallën të humbur kur një pjesë e galerisë u përmbyt më 16 prill pas shirave të rrëmbyer. Ministri vendas i punëve publike tha se kishte ende shpresë për shpëtimin e punëtorëve. "Me sa kemi kuptuar nga studimi i zonës ka ende shpresë për të shpëtuar minatorët e bllokuar”. “Duhet të arrijmë sa më shpejt në dhomën e pushimit ku besojmë se gjenden minatorët, pasi një pjesë e galerisë është çliruar nga uji”, tha ai. Edhe Antoine Bama, përfaqësues i familjeve të humburve tha se kishte shpresë. "Pamë sesi po largohet uji. Ata kanë hyrë me makineritë pranë dhomës së pushimit, ku shpresojmë të gjenden të gjallë punonjësit”. "Na është dashur që të ngrejmë zërin që puna e kërkimit të vazhdojë sepse fillimisht ata ishin neglizhentë, tani e shikojmë që gjërat po lëvizin në drejtimin e duhur”, shtoi ai.