Këtë të dielë në orën 11 në Stadiumin Galatsi (Galatci) kryeministri Edi Rama do të mbajë takimin me disa mijëra emigrantë shqiptarë nga e gjithë Greqia në athinë. Takimi i lajmëruar kohë më pare, shkaktoi mbajt debate në Greqi për kohën kur realizohej, por organizatorët dhe autoritetet greke ranë dakord për vendin e takimit, në sallën e stadiumit (Galatci) që është bërë gati për pritjen. Këto janë pamjet nga salla e brendshme që tregon përgatitjet e fundit përpara takimit. Kryeministri Rama do udhëtojnë drejt Athinës sot në mëngjes me një ekip të zgjeruar që do e shoqerojë për të realizuar disa takime. Pas mbarimit të këtij takimi me diasporën, kryeministri pritet të marrë pjesë në asamblenë e Partisë Socialiste në Greqi ku do të shpërndajë karta anëtarësimi për dhjetëra të rinj që zgjodhën e anëtarësohen në partinë socialiste. Për të siguruar mbarëvjatjen e këtij takimi policia greke ka aktivizuar një numër të madh të forcave por ndërkohë edhe forcat e sigurisë nga Shqipëria do jenë të pranishme në sallën Christmas Theatre. Interes për këtë takim kanë shprehur edhe mediat greke duke treguar detaje të asaj që e quajnë vizitë private ndërsa thonë se kryeministri i shqipërisë do shoqërohet nga 150 persona, anëtarë të qeverisë, deputetë dhe gazetarë. Ndërkohë kryeministri grek micotaqis i pyetur nga mediat greke për këtë vizitë u shpreh se është e drejta e kryeministrit të shqipërisë të bëjë një vizitë private dhe të takohet me emigrantët. Në greqi ka shqetësim për këtë vizitë që bëhet para zgjedhjeve për parlamentin europian, por kryeministri Rama reagoi duke thënë se takimi i tij me emigrantët nuk është ndërhyrje në politikën e brendshme të Greqisë