Komisioni Qendror i Zgjedhjeve kërkon që depolitizimi i trupës zgjedhore në 11 maj të nisë nga diaspora duke mbajtur larg duart e partive politike nga procesi i numërimit te votave nga jashtë. Projektvendimi i KQZ i cakton Partisë Socialiste dhe Partisë Demokratike vetëm rol vëzhguesi në tavolinat ku do të hapen zarfet që vijnë nga diaspora, ndërkohë që numërimi i votave nga jashtë i lihet ne dorë njerëzve jo politik të cilët do të përzgjidhen nga KQZ por sekretari për ceshtje zgjedhore i PD Ivi Kaso ishte kunder. Ivi Kaso, Përfaqësues i PD: Në asnjë gërmë nuk i jepet leje kreative KQZ-së që të shpikë një proces të ri, teksa Kodi Zgjedhor ka rregulla për të gjithë procesin. Nuk jeni të autorizuar të shpikni procedurë krejt të re, ndryshe nga ajo e shqiptarëve që votojnë brenda vendit. Të jetë e njëjtë si brenda vendit. Ilirjana Nano, Kryetare e Komisionit Rregullator: PS e PD t’i kishin sjellë mendimet me shkrim. Janë pyetur në 12 nëntor. Ndryshe nga demokratët, socialistët ia besuan plotësisht procesin e numërimit te votave te diaspores administrates se Komisionit Qendror te Zgjedhjeve duke mbështetur idene e Celibashit që politika te kete mundesine te ndjeke nga afer gjithe procesin si vëzhgues. Përfaqësuesja ligjore e PS Elena Xhina kërkoi vetem specifikim te termave ne draft. Elena Xhina, Përfaqësuese e PS: Ka kapërcim të termave, sepse shikoj përshembull përdorimin e termave anëtarë vëzhgues, por po flasim për pjesë në parim. Mungesa e dakordësisë bëri që mbledhja e Komisionit Rregullator të mbyllej pa vendimmarrje dhe për vendndodhjen se ku do të numërohen votat e diasporës.