Agjencia europiane e Barnave ema, i dha dritën jeshile të enjten dy përforcuesve të veçantë të vaksinës Covid-19 të përditësuar për të synuar mbrojtjen kundër variantit Omicron, atë të zhvilluar nga Moderna dhe një tjetër nga ekipi i Pfizer dhe BioNTech. Evropa po përgatitet të bëjë një raund tjetër vaksinimesh, përpara një rritjeje të pritshme të infeksioneve këtë dimër. Rekomandimi është që të autorizohen vaksinat për personat e moshës 12 vjeç e lart që kanë marrë të paktën vaksinimin parësor kundër Covid-19, tha Agjencia Evropiane e Barnave (EMA). Britania në gusht u bë vendi i parë që ka miratuar një vaksinë të tillë nga Moderna. Zvicra dhe Australia ndoqën shpejt shembullin. Rekomandimet më të fundit të EMA-s vijnë pasi përforcuesi i Pfizer është ripërpunuar për të synuar variantet aktualisht mbizotëruese BA.4/BA.5 . EMA pritet të ofrojë gjithashtu opinionin e saj për vaksinat e tjera të përshtatura kundër BA.4/5 në javët e ardhshme, tha në një deklaratë të enjten Komisionerja Evropiane për Shëndetin dhe Sigurinë Ushqimore Stella Kyriakides. Pamjet: AFP