Në një shfaqje të rëndësishme solidariteti me Ukrainën e munduar prej tre vitesh konflikti me Rusinë, kryeministri Edi Rama iu bashkua edhe pse nga distanca liderëve ndërkombëtarë të mbledhur në Kiev në përvjetorin e tretë të nisjes së agresionit të Moskës ndaj vendit fqinj. Rama iu drejtua samiti përmes një lidhje video, e cila tërhoqi në mënyrë të vecantë vëmendjen e mediave të huaja, sidomos Skyneës që tha se me ndërhyrjen e tij, kreu i ekzekutivit shqiptar preku një cështje nevralgjike, të cilën udhëheqësit e tjerë mund ta kenë shmangur. Rama, tha media e njohur, guxoi të përmendë faktin se peizazhi diplomatik për Ukrainën ka ndryshuar rrënjësisht duke pasur parasysh dialogun e Donald Trump me Rusinë dhe u kërkoi liderëve perëndimorë të mos e injorojnë realitetin e ri. Në kontrast me përsëritjen e premtimeve për ndihmën e ardhshme ushtarake për Ukrainën dhe dëshirën që Kievi të anëtarësohet në BE dhe NATO, kryeministri shqiptar, thekson Skyneës, e nenvizoi teksa i mbështet të gjitha këto synime – së është e një rëndësie kyce të trajtohet fakti që Rusia dhe Shtetet e Bashkuara po bisedojnë veçmas. Liderët po vazhdojnë bisedimet sikur të mos ketë ndodhur asgjë, kur ndërkohë, gjithcka në Shtëpinë e Bardhë është ndryshe, ishte komenti i tij.