Një i ri shqiptar është ekzekutuar mbrëmjen e të hënës në kryeqytetin britanik. Top Channel, nga burime policore britanike, mëson se viktima është Bajram Luli me datëlindje 09.02.1997. Ai është me origjinë nga Peqini dhe kisha pak kohë që kishte mbërritur në Shtetin Ishull. Policia Metropolite e cila po heton këtë vrasje nuk ka të arrestuar për ngjarjen apo zbulimin e motivit. Paraditen e sotme ata kanë mundur të identifikojnë familjen e të ndjerit në Peqin, e njoftuar për vrasjen e familjarit të tyre në Londër. Ekzekutimi i Bajram Lulit e çon në dy numrin e shqiptarëve të vrarë në Angli gjatë këtyre tre muajve të parë të 2024. Bledi Petraj 37 vjec u godit me thikë për vdekje në rrugë, në Veri të Londrës më 4 Shkurt 2024. Një ditë më pas, Kozma Papa 21 vjeç, u arrestua dhe doli përpara trupit gjykues, i akuzuar për vrasjen e Bledi Petrajt.