Një 23 vjeçar shqipar është vrarë në Athinë të Greqisë, mëngjesin e së hënës. Ngjarja dyshohet se ka ndodhur për pazare të prishura droge. Autoritetet greke janë në kërkim të arsyeve të ekzekutimit të Koço Myftarit, nga fshati Rusan i Delvinës. Sipas policisë, 23 vjeçari u dërgua në gjendje të rëndë në spitalin e Athinës me plagë të rënda të shkaktuara nga mjet prerës, dyshohet thikë. Policia dyshohet se kanë ndaluar dy personat të cilët e transportuan viktimën në spital. Prej hetimeve rezulton se ata kanë thënë emrin e autorit që goditi me thikë viktimën Koço Myftari dhe se kanë deklaruar se sherri nisi për pazare të prishura të drogës mes anëtarëve të organizatës. Ndonëse mjekët e futën menjëherë në sallën e operimit, nuk mundën ta shpëtonin të riun. Policia po kërkon autorin e dyshuar për deri tani nuk është gjetur. Çështja komplikohet edhe më tej nga informacioni se një djalë tjetër i familjes Myftari është ekzekutuar në vitin 2019 në Gjermani. Policia po heton shkaqet por edhe nëse ekzekutimet e vëllezërve Myftari kanë lidhje me njëra tjetrën. Fotot source: Albanian Daily News