Një atentat me armë zjarri ka tronditur mbrëmjen e së enjtes qytetin e Laçit, ku një 40-vjeçar ka mbetur i vrarë. Sipas Policisë, viktima është Ilir Lika, 40 vjeç, i cili është qëlluar me armë zjarri pranë portës së banesës së tij. Ai njihej edhe me disa gjeneralitete të tjera, si Ilir Gjini, alias Lika, alias Kokaj dhe alias Nure. Pas plagosjes, 40-vjeçari është transportuar me urgjencë drejt Spitalit të Traumës, por nuk ka mundur t'u mbijetojë plagëve të marra, duke humbur jetën gjatë rrugës. Menjëherë pas njoftimit, shërbimet e Policisë kanë mbërritur në vendngjarje dhe kanë nisur kontrolle intensive në zonë për lokalizimin dhe kapjen e autorit ose autorëve të krimit. Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon për administrimin e provave, dokumentimin e plotë të ngjarjes, zbardhjen e rrethanave dhe identifikimin e autorëve. Motivet e vrasjes mbeten ende të paqarta, ndërsa hetimet vijojnë