Tragjedia e Cetinjës në Malin e Zi po pasohet nga thirrjet për dorëheqjen e ministrit të brendshëm Danilo Saranovic. Mediat vendase shkruajnë se numri i policëve në terren në qytet ishte shumë i vogël, vetëm 9 sipas Vijestit, pavarësisht se aty situata ka qenë prej një kohe të gjatë mjaft e tensionuar sic thotë shtypi vendas për shkak të një konflikti mes klaneve kriminale. E megjithatë prani e forcave të rendit linte shumë për të dëshiruar. 45 vjeçari, Aco Martinoviç i cili vrau 12 vetë, mes të cilëve dy fëmijë, pas një përleshje në një local qëlloi për vdekje pronarin e barit, fëmijët dhe anëtarët e familjes së tij e më pas është larguar dhe e vazhdoi masakrën në disa pjesë të tjera të qytetit. Ku ishte policia ku ndodhën të gjitha këto, pyesin banorët e indinjuar. Si është e mundur që askush nuk e ndaloi?