Kapet në Spanjë dhe ekstradohet drejt Shqipërisë, Edmir Vlashi i akuzuar për atentatin e dështuar ndaj Preng Palucës dhe bashkëshortes së tij, Antoneta në dhjetor të vitit 2021 Nga hetimet policia zbuloi se në 2017 Edmir Vlashi i grabiti një sasi të madhe droge vëllait të Preng Palucës. Prej asaj kohe, mes tyre lindi një konflikt i ashpër. Në pamundësi për të rënë në gjurmët e vëllait të Preng Palucës, 31-vjeçarët Hektor Ndoka dhe Edmir Vlashi, baxhanakë me njëri-tjetrin dhe të dënuar më herët në Belgjikë për grabitje me armë e drogë, besohet sipas policisë se po e ndiqnin këmba këmbës objektivin e tyre, madje kishin përdorur si bazë për të fshehur një arsenal armësh dhe mina me telekomandë lokalin e vjehrrit e vjehrrës Nikoll e Marie Markut në Lezhë. Po ashtu si bashkëpunëtor iu shërbente edhe dhëndri i tyre Mark Lamkja. Ishte pikërisht një sinajlizim në polici se në restorantin e ciftit Marku mbaheshin armë që policia të zbulonte gjithë atentatin e planifikuar prej Edmir Vlashit e Hektor Ndokës. Të dy u shpallën në kërkim dy vite më parë, ndërsa vjehrri dhe Vjerra si dhëndri i tyre, u arrestuan, pasi gjatë ndërhyrjes së policisë tentuan tentuan të fshihnin provat. Gjatë këtij megaoperacioni, polica e Lezhës sekuestroi 6 armë zjarri, 1 armë gjahu, 2 kuti me lëndë plasëse C4, kapsolla detonatore, fitila zjarrpërcjellëse, 2 radio si të Policisë, municion luftarak, 1 automjet dhe celularë si dhe shuma 88 900 euro e dyshuar e përfituar nga tregtimi i armëve. Mësohet se pas ekstradimit në Shqipëri Edmir Vlashi i është dorëzuar Drejtorisë së Përgjithshme të Burgjeve. Pamjet: AFP