Shkodrani nuk pagoi për Benzin E Class në 2017, arrestohet Angli nis procesi ekstradimit Një llogari e hapur me drejtësinë prej 2017-tës ka cuar në pranga një shqiptarë në Angli, pasi ishte shpallur në kërkim ndërkombëtar nga Interpol Tirana. Të dhënat e disponuara nga Top Channel prej gjykatës të ekstradimeve Westminster Magistrate Court në Londër, tregojë se përpara kësaj gjykate, ka dalë për qëllim ekstradimi Gjovalin Troja. Me origjinë nga Abati i Shkodrës, ai kërkohet nga drejtësia shqiptare nën dyshimin, se u përfshi në një mashtrim gjatë periudhës kohore 25 Dhjetor 2017 dhe 10 Janar 2018. Në urdhër arrestin ndërkombëtar, lexuar në gjykatë thuhet se “Gjovalin Troja 49 vjeç, në bashkëpunim me persona të tjerë përmes mashtrimit i morën shtetasit Y.K një automjet model Benz E Class , duke mos e paguar dhe po me mashtrim Troja, përfitoi shumën prej 5,000 Euros”. Gjovalin TROJA për qëllim ekstradimi nga Anglia në Shqipëri u arrestua nga Skuadra Kombëtare e Ekstradimeve në NCA në qytetin Stroke-on-Trent. Shkodrani Troja do ta ndjekë procesin e ekstradimit i lirë me kusht deri në seancën e radhës të 1 Tetorit, pasi vendosi një garanci pasurore prej 5 mijë stërlinash dhe i është vendosur në këmbë një pajisje monitorimi elektronike GPS.