Tregtia e jashtme po “shfryhet” nga vlerat rekord të regjistruara gjatë vitit të kaluar. Shifrat e qershorit konfirmojnë edhe njëherë tendencën rënëse të dërgimit të produkteve shqiptare jashtë vendit, pasi u tkurrën me rreth 17%. Edhe importet u tkurrwn me 7%. Në gjashtë muajt e parë të vitit janë dërguar 170 milionë euro më pak mallra jashtë vendit. Faktorët kryesorë janë rënia e ccmimeve në bursa për produktet që eksporton vendi, por edhe zhvlerësimi i euros me gati 17% nga një vit më parë. Në qershor tkurrjen më të fortë e pësuan materialet e ndërtimit dhe metalet, ndjekur nga mineralet, lëndët djegëse, si dhe tekstilet dhe këpucët. Por, grupi që po performon përtej parashikimeve gjatë këtij gjashtëmujori janë ato të ushqimeve. Edhe gjatë qershorit, më shumë fruta dhe perime shqiptare u dërguan jashtë vendit, ndërsa vendi përjeton edhe kulmin e sezonit të prodhimit.