Tashmë personat në provincën kanadeze British Columbia, të cilët do të kapen me sasi të vogël të drogërave, nuk do të arrestohen. Pas pranimit të kërkesës për të provuar eksperimentin tre-vjeçar, për dekriminalizimin e sasive të vogla të drogave të forta si kokaina dhe heroina, zyrtarët e konsiderojnë mbështejte që “shpëton jetë”. Duke nisur që nga e marta të rriturit mund të mbajnë edhe metamfetaminë, fentanil e morfinë. Pavarësisht se lëndët narkotrike mbeten të paligjshme, personat e rriur që kapen me sasinë e përcaktuar nuk do të arrestohen, akuzohen ose do t'u sekuestrohen substancat. Në vend të kësaj, atyre do t'u ofrohet informacion mbi shërbimet shëndetësore dhe sociale të disponueshme. Ministrja e shëndetit mendor dhe varësive, Carolyn Bennett e quajti vendimin e marrë favoirizues për të ulur numrin e kriminalizimit në atë vend. “Dekriminalizimi i njerëzve që përdorin drogë zbërthen frikën dhe turpin që lidhet me përdorimin e substancave dhe siguron që ata të ndjehen më të sigurt duke kërkuar mbështetje që shpëton jetën”, tha ministrja e Kolumbisë Britanike për shëndetin mendor dhe varësitë. Mijëra oficerëve të policisë në provincë u është ofruar trajnim për ndryshimin e rregullave, ndërsa ende ka disa përjashtime nga skema. Të paligjshme mbetet ende shitja e drogës, mbajtja e tyre nga nxënësit e shkollave dhe instirucioneve që merren me fëmijët. Projekti eksperimental që pritet të zgjasë deri në 31 janar të vitit 2026, vjen pasi British Columbia shpalli drogën emergjencë të shëndetit publik në vitin 2016. Ky vendim erdhi pasi rreth 100 mijë persona humbën jetën si pasojë e mbidozave. Pamjet: AFP