Në një njoftim surprizë në parlamentin britanik, Kryeministri Sir Keir Stamer njoftoj rritjen e shpenzimeve për mbrojtjen, vetëm dy ditë përpara takimit të shumëpritur mes tij dhe presidentit të ri amerikan Donald Trump në Uashington. Nga 2.3 perqind të GDP-së, shpenzimet do shkojnë në 2.5 përqind në 2027 dhe në 3 përqind në 2030, në rast se Laburistët do fitojnë sërish në zgjedhjet e ardhshme. Kjo rritje do bëhet në kurriz të shkurtimeve në buxhetin për ndihmën ndërkombëtare. E përkthyer në shifra kjo rritje cdo vit do jetë në 13.4 miliardë stërlina pas vitit 2027. Gjatë vitit financiar 2023-24 Britania ka shpenzuar për mbrojtjen rreth 54 miliardë stërlina. Por kjo rritje është shumë më e vogël nga cfarë ka kërkuar presidenti Trump nga vëndet anëtare të Nato-s, kur ai kërkon deri në 5 përqind të GDP-së, shifër kjo e parë për herë të fundit gjatë kohës së Luftës së Dytë Botërore. Stamer përsëriti në fjalimin në parlament angazhimin e Britanisë për Nato-n, të cilën e cilësoi si gurthemelin e sigurisë, ndërkohë që kritikoj presidentin rus Putin duke thënë që tiranët reagojnë vetëm përballë forcës.Ndryshe nga Trump, Stamer ishte shumë i qartë për kërcënimin rus. Sipas tij.” Rusia përbën një kërcënim në ujrat tona, në hapsirën tonë ajrore dhe në rrugët e qyteteve tona”