Në foltoren e Korçës, Sali Berisha i ftoi demokratët të vijonin protestat paqësore deri në rrëzimin e qeverisë Rama. Alarmin për korrupsionin dhe kapjen e institucioneve, për kryedemokratin po e japin edhe partnerët strategjikë, sic janë shtetet e bashkuara të Amerikës. “I dëgjoni ju tani sirenat e alarmit që bien nga Uashingtoni për korrupsionin e qeverisë së Edi Ramës dhe lidhjet e saj me drogën dhe krimin.Ne triumfuam! Ne jo vetëm që nuk u zhdukëm, po ne mbrojtëm liritë, dinjitetin, kauzën e çdo shqiptari, në kushtet më të vështira. Në kushtet kur bëhej gjithçka kundra nesh. Dhe sot jemi, jua garantoj unë ju, më të fortë se kurrë në ekzistencën tonë. Po, sot jemi më të kthjellët se kurrë dhe më të vendosur se kurrë në histori” Kryedemokrati deklaroi se Shqipëria po kalon tani një situatë të rrezikshme jo vetëm për demokracinë për edhe për stabilitetin europian