E veja miliardere e themeluesit të Apple, Steve Jobs, ka blerë shtëpinë më të shtrenjtë në San Francisko, duke shpenzuar rreth 70 milionë dollarë në një rezidencë me pamje të mrekullueshme të urës Golden Gate. Laurene Poëell Jobs e bleu shtëpinë në një nga lagjet më luksoze të qytetit të Kalifornisë, në një marrëveshje jashtë tregut. Pronarët e mëparshëm ishin vajza e një miliarderi dhe një biznesmeni, të cilët e blenë shtëpinë e tyre për 33 milionë dollarë në vitin 2011 dhe thuhet se fillimisht kishin vendosur një çmim prej 100 milionë dollarësh përpara se t’ia shisnin Poëell Jobs. Për shkak se shitja ishte një marrëveshje jashtë tregut, nuk ka foto të reja nga brenda shtëpisë. Sidoqoftë ajo është përshkruar si “shtëpia më e bukur në Amerikë”. Në vitin 2020, shtëpia u përshkrua si një pallat i Rilindjes Spanjolle “i mbështjellë rreth një oborri dykatësh të kurorëzuar me një çati të madhe xhami”. Poëell Jobs, u martua me Steve Jobs, sipërmarrësin e teknologjisë, në vitin 1991. Ata u takuan pasi ai dha një leksion në shkollën e biznesit në Stanford, ku ajo ishte studente. Çifti kishte tre fëmijë. Jobs vdiq në vitin 2011 në moshën 56-vjeçare, pasi u diagnostikua me kancer të pankreasit. Pamjet: AFP