Bashkëshortja e Charlie Kirk u zotua të vazhdojë rrugën e bashkëshortit të saj të vrarë në 10 shtator. E veja e aktivistit 31 vjecar u shfaq e përlotur në podiumin e ceremonisë përkujtimore të mbajtur në nder të tij. Pavarësisht zërit që i dridhej megjithatë, Erika përcolli një mesazh pajtimi. Në kryq, shpëtimtari ynë tha: ‘Atë, fali ata sepse nuk dinë çfarë bëjnë.’ Dhe unë e fal atë djalë të ri. Përgjigja ndaj urrejtjes nuk është urrejtja. Përgjigja që dimë nga Ungjilli është dashuria. Ne nuk përgjigjemi me dhunë, por me atë që im shoq gjithmonë ishte lutur të shihte në këtë vend: Me rilindje. 22 vjecari Tyler Robinson, 22 vjeç, është akuzuar për vrasje të shkallës së parë për të shtënën fatale ndaj Charlie Kirk. Prokurori i Përgjithshëm i Qarkut të Utah-ut, Jeff Gray, deklaroi se shteti do të kërkojë dënimin me vdekje për Robinson. Erika pohoi megjithatë për The Neë York Times se dënimi i Robinson duhet të përcaktohet nga sistemi ligjor, e jo nga dëshirat e saj. “I thashë avokatit tonë se dua që këtë ta vendosë qeveria. Nuk dua që gjaku i tij të jetë në ndërgjegjen time|”, ka qenë mesazhi i saj. Donald Trump, e vlerësoi në fjalën e tij aktivistin konservator si një “hero të madh amerikan” dhe “martir”. “Ai u vra sepse jetoi me trimëri, jetoi me guxim dhe argumentoi në mënyrë brilante”, tha ai gjatë një fjalimi para dhjetëra mijëra të pranishmëve në një shërbesën përkujtimore në Arizona.