Mbreti Charles i Britanisë së Madhe dhe Mbretëresha Camilla kanë reaguar për rrëzimin e avionit në Indi, pasi në bord kishte dhe shtetas anglezë. Charles dhe Camilla shprehen se janë ‘thellësisht të tronditur nga ngjarja e tmerrshme në Ahmedabad’. “Shprehim lutjet dhe ngushëllimet tona më të thella për familjet dhe miqtë e të prekurve nga kjo tragjedi”, shprehet Mbreti në një mesazh të postuar në llogarinë zyrtare X të Familjes Mbretërore. Në lidhje me tragjedinë ka reaguar edhe kryeministri i Kanadasë, Mark Carney, pasi në avion ishte dhe një pasagjer kanadez. Sipas autoriteteve indiane, deri më tani kanë humbur jetën rreth 200 persona, ndërsa në bord ishin 242 pasagjerë. Pamjet filmike tregojnë një shpërthim të madh zjarri dhe re të dendura tymi të zi që ngrihen në qiell në një zonë rezidenciale afër aeroportit, në qytetin Ahmedabad, në shtetin Gujarat.