Një familje është aksidentuar gjatë orëve të mbrëmjes në afërsi të Kukësit, ndërsa po udhëtonte nga Hasi. Të plagosur kanë mbetur nëna dhe dy fëmijët, kurse babai drejtuesi i mjetit ka marrë dëmtime të lehta. të tre janë dërguar në spital dhe janë jashtë rrezikut për jetën. Dyshohet se shkak i aksidentit ka qenë shpejtësia dhe manovrimi i gabuar i njërës prej makinave. Një 40-vjeçar ka ndërruar jetë në tiranë pasi u përplas me një betoniere në Rrugën e Elbasanit në dalje të kryeqytet. ai po udhëtonte me motor. Policia njoftoi se 40-vjeçari ndërroi jetë në spital. Një automjet ka dalë nga rruga mesditën e të shtunës në fshatin Pirg në Maliq. dhe është përplasur me trafikndarësen anësore të rrugës. Siç duket dhe nga pamjet përplasja ka qenë aq e fortë sa trafikndarësi e ka ndarë në mes automjetin. drejtuesi i mjetit ka marrë dëmtime të shumta dhe është dashur ndërhyrja e zjarrfikësve për ta nxjerrë nga makina. ai u dërgua në spitalin e Korçës për mjekim. Gjendja e tij paraqitet e rëndë.