Një instrument i sondës së Nasa-s, Perseverance ka arritur të krijojë oksigjen nga atmosfera e Marsit ku mbizotwron dioksidi i karbonit, thotë BBC. Ky është demonstrimi i i dytë i suksesshëm i misionit të agjensisë amerikane të hapësirës në planetin e kuq, qw të hënën arriti të ngrinte atje në fluturim një helicopter të vogël, duke e kontrolluar nga Toka. Në eksperimentin më të fundit, u arrit të prodhohej oksigjen mjaftueshëm sa do t`i duhej një astronauti që të marrë frymë për 10 minuta nw Mars. Pajsja e përdorur, e pagëzuar Moxie, ka përmasat e një thekëse buke. Nasa mendon se e ardhmja e misioneve me njerëz atje mund të kërkojë që të prodhohen të Moxie-t, te cilat do t`i ndihmojnë ta prodhojnë oksigjenin aty ku zbresin, në vend që ta marrin me vete nga Toka. Atmosfera e Marsit dominohet nga dioksid karboni me një përqëndrim prej 96%. Oksigjeni atje është vetëm 0,13%, krahasuar me 21% që gjendet në atmosferën e planetit tonë.