Petrit Çakri është dhunuar sot fizikisht nga tre vëllezërit Aleksandër, Kristi e Fatjon Bushgjokaj brenda kafazit të xhamit në GJKKO, aty ku po zhvillohej seanca paraprake për vrasjen e 23-vjeçarit Renis Dobra, krim për të cilin akuzohen të gjithë. Gazetarja e Top Channel, Anila Hoxha, raporton se dhuna erdhi pasi ai nisi të dëshmonte për këtë krim, e sipas vëllezërve, Çakri ka gënjyer mbi dëshminë që po jepte për rastin, e kjo ka shkaktuar reagimin e tyre, duke e dhunuar fizikisht e duke e shtrirë përtokë. Por Çakri rezulton të jetë dhe një nga dëshmitarët kryesor të vrasjes së ish-deputetit të PD Azem Hajdari, mbrëmjen e 12 shtatorit 1998, jashtë selisë së PD, e që sot akuzohet vetë për mbytjen me litar të të riut. Për vrasjen e Hajdarit, është dënuar ish-truproja e ish-kryeministrit Sali Berisha, Izet Haxhia. Por çfarë dëshmonte ai për vrasjen e Azem Hajdarit 28 vite më parë? Në dosjen e siguruar nga gazetarja e Top Channel Anila Hoxha, ai ka treguar me detaje gjithë çfarë ka parë përgjatë asaj ditë, si dhe në momentin e ekzekutim, duke përmendur me emër dhe mbiemër të gjithë person e pranishëm. Sipas tij “në kohën që Azem Hjadari ndodhej në mesin e rrugës afër makinës Tipo, ka zbritur nga dera e pasme nga krahu i shoferit vëllai i Ismet Haxhisë, i quajtur Izet Haxhia i cili ka shkëmbyer fjale me zë të lartë me Azemin. Pas ngritjes së zërit ata dhe janë shtyrë me njëri tjetrin dhe pas kësaj kam parë se aty janë afruar të gjitha makinat që përmenda.